பொகவந்தலாவ சிங்காரவத்தையில் நடமாடும் பாரிய சிறுத்தை: பாடசாலை மாணவர்கள், பொதுமக்கள் அச்சம்!

பொகவந்தலாவ – சிங்காரவத்தை தோட்டப் பகுதியில், பாடசாலைக்கு அருகாமையிலுள்ள தேயிலை மலையில் இன்று காலை பாரிய சிறுத்தை புலி ஒன்று நடமாடுவதை பொதுமக்கள் கண்டறிந்துள்ளனர்.

இன்று காலை வேளையில் தேயிலை மலையிலுள்ள கால்வாய் ஒன்றில் குறித்த சிறுத்தை புலி நின்று கொண்டிருப்பதை அவதானித்த பொதுமக்கள், அதனைத் தமது கையடக்கத் தொலைபேசிகளில் காணொளியாகவும் பதிவு செய்துள்ளனர்.

பாடசாலைக்கு மிகக் సమీபத்தில் சிறுத்தை தென்பட்டுள்ளதால், குறித்த பகுதியில் தொழில் புரியும் தோட்டத் தொழிலாளர்களும், பாடசாலைக்குச் செல்லும் மாணவர்களும் பெரும் அச்சத்திலும் பீதியிலும் ஆழ்ந்துள்ளனர்.

இந்த விவகாரம் தொடர்பாக நல்லதண்ணி வனவிலங்கு அதிகாரிகளுக்கு உடனடியாகத் தகவல் வழங்கப்பட்டுள்ளதாக தோட்ட நிர்வாகம் தெரிவித்துள்ளது.

இதேவேளை, கடந்த வாரம் பொகவந்தலாவ தெரேசியா தோட்டம் பகுதியில் தேயிலைக் கொழுந்து பறித்துக் கொண்டிருந்த பெண் தொழிலாளி ஒருவர் சிறுத்தையின் தாக்குதலுக்கு உள்ளாகி, டிக்கோயா – கிளங்கன் வைத்தியசாலையில் அனுமதிக்கப்பட்டு சிகிச்சைப் பெற்றிருந்தமை குறிப்பிடத்தக்கது.