வானத்தை நோக்கி துப்பாக்கிச் சூடு!

களுத்துறை சிறைச்சாலை வளாகத்தில் இருந்து வானத்தை நோக்கி இன்று (21) பிற்பகல் துப்பாக்கிச் சூடு நடத்தப்பட்டதாக தெரிவிக்கப்படுகின்றது.

சிறைச்சாலைக்கு வெளியே இருந்து ஒருவர், பல பொதிகளை சிறைச்சாலை வளாகத்தினுள் வீசுவதற்கு முயற்சித்துள்ளார்.  

அப்போது,  சிறைச்சாலையில் இருந்த அதிகாரிகள், குறித்த நபரை அப்பகுதியை விட்டு வெளியேறுமாறு கோரியுள்ளனர்.

அப்போது, ​​குறித்த நபர் அந்த பொதிகளை சிறைக்குள் வீசியபோது, ​​அதிகாரிகள் வானத்தை நோக்கிச் சுட்டனர்.

இருப்பினும், சம்பந்தப்பட்ட நபர் வீசிய 2 பொதிகள்  சிறைக்குள் வந்து விழுந்ததாக சிறை வட்டாரங்கள் தெரிவித்தன.

அதிகாரிகள் துப்பாக்கிச் சூடு நடத்தியதை அடுத்து குறித்த நபர் தப்பி ஓடிவிட்டதாக தெரிவிக்கப்படுகின்றது.

மேலும் இது தொடர்பாக விசாரணை தற்போது ஆரம்பிக்கப்பட்டுள்ளன.

இந்நிலையில் சிறையில் கண்டெடுக்கப்பட்ட பொதிகளில் போதைப்பொருள் மற்றும் கஞ்சா இருந்ததாகத் தெரிவிக்கப்பட்டுள்ளது.