1990 சுவசரிய அம்பியூலன்ஸ் சேவைக்கு 10 ஆண்டுகள் பூர்த்தி

சுவசரிய அம்பியூலன்ஸ் சேவைக்கு 10 ஆண்டுகள் பூர்த்தியடைந்தமையை முன்னிட்டு கொழும்பில் நிகழ்வொன்று நேற்று (31) ஏற்பாடு செய்யப்பட்டிருந்தது.

2016 ஜூலை 28 அன்று இந்திய அரசின் ஒத்துழைப்புடன் 88 ஆம்புலன்ஸ்களுடன் ஆரம்பிக்கப்பட்ட இச்சேவை, இன்று 319 ஆம்புலன்ஸ்கள் வரை விரிவடைந்துள்ளது. கடந்த பத்து ஆண்டுகளில் 10 மில்லியனுக்கும் அதிகமான அவசர அழைப்புகளுக்கு பதிலளித்து, 2.6 மில்லியனுக்கும் அதிகமான அவசர சூழ்நிலைகளில் மக்களுக்கு உயிர்காக்கும் சேவைகளை வழங்குவதில் சுவசரிய குழு வெற்றிகரமாக செயல்பட்டுள்ளது.

இந்நிகழ்வில் கலந்துகொண்டு உரையாற்றிய அமைச்சர் நளிந்த ஜயதிஸ்ஸ, சுகாதாரத் துறையின் மிக முக்கியமான தருணங்களில் விரைந்து செயல்பட்டு மனித உயிர்களைப் பாதுகாப்பதில் சுவசரிய குழுவினர் ஆற்றிவரும் தேசிய சேவையைப் பாராட்டினார். 2016 ஆம் ஆண்டில் இக்கோட்பாட்டை நனவாக்க அர்ப்பணிப்புடன் செயல்பட்ட கலாநிதி ஹர்ஷ டி சில்வா உட்பட அரசியல் பிரதிநிதிகளுக்கும், இச்சேவையை தொடர்ச்சியாக முன்னெடுக்க பங்களித்த முன்னாள் சுகாதார அமைச்சர்களுக்கும் மற்றும் அதிகாரிகளுக்கும், ஆரம்பத்திலிருந்தே பங்களிப்பு வழங்கி வரும் இந்திய அரசாங்கத்திற்கும் எனது நன்றியைத் தெரிவித்துக்கொண்டார்.