மொரட்டுவையில் துப்பாக்கிச் சூட்டுக்கு இலக்கானவர் பலி

மொரட்டுவை – சொய்சாபுர பகுதியில் நடந்த துப்பாக்கிச் சூட்டில் காயமடைந்து வைத்தியசாலையில் அனுமதிக்கப்பட்ட ஹோட்டல் உரிமையாளர் உயிரிழந்தார். 

இன்று (20) இரவு 8.20 மணியளவில் மோட்டார் சைக்கிளில் வந்த இருவரால் இந்தத் துப்பாக்கிச் சூடு நடத்தப்பட்டுள்ளது. 

ஹோட்டல் ஒன்றில் இருந்த நபர் ஒருவரை இலக்கு வைத்தே இந்தத் துப்பாக்கிச் சூடு நடத்தப்பட்டுள்ளதாக பொலிஸ் ஊடகப் பேச்சாளர் அலுவலகம் தெரிவித்துள்ளது. 

இவ்வாறு துப்பாக்கிச் சூட்டுக்கு இலக்கானவர் அந்த ஹோட்டலின்  உரிமையாளர் எனத் தெரியவருகிறது. 

துப்பாக்கிச் சூட்டில் காயமடைந்த அவர், களுபோவில போதனா வைத்தியசாலையில் அனுமதிக்க நடவடிக்கை எடுக்கப்பட்டுள்ளதாக பொலிஸார் மேலும் தெரிவித்துள்ளனர்.