சில பகுதிகளில் மின் விநியோகம் வழமைக்கு திரும்பியது

தேசிய மின்சாரக் கட்டமைப்பில் ஏற்பட்ட திடீர் கோளாறை தொடர்ந்து, நாட்டின் பல பகுதிகளுக்கு தடைப்பட்டிருந்த மின் விநியோகம் மீள இயல்பு நிலைக்குக் கொண்டுவரப்பட்டுள்ளதாக தேசிய மின் கட்டமைப்பு செயற்பாட்டாளர் (தனியார்) நிறுவனம் (National System Operator) தெரிவித்துள்ளது. 

அதன்படி கொழும்பு, கம்பஹா, காலி மற்றும் பதுளை ஆகிய மாவட்டங்களின் பல பகுதிகளில் தற்போது மின் விநியோகம் சீரமைக்கப்பட்டுள்ளதாக தெரிவிக்கப்பட்டுள்ளது. 

மின் கடத்தல் கட்டமைப்பில் ஏற்பட்ட திடீர் தொழில்நுட்பக் கோளாறு காரணமாகவே இன்று (17) முற்பகல் 11.45 அளவில் இந்தத் திடீர் மின் தடை ஏற்பட்டமை குறிப்பிடத்தக்கது.